محمد آصف ورلڈ سنوکر چیمپئن شپ کے فائنل میں پہنچ گئے

دوحہ: (دنیا نیوز) پاکستان کے محمد آصف آئی بی ایس ایف ورلڈ سنوکر چیمپئن شپ کے فائنل میں پہنچ گئے۔

قطر میں ہونے والی ورلڈ سنوکر چیمپئن شپ کے سیمی فائنل میں محمد آصف نے قبرض کے مائیکل جارجیو کو 3-5 سے شکست دی، آصف کی سیمی فائنل میں کامیابی کا سکور 53-57،5-71، 0-94، 6-111، 45-77، 9-73، 24-74 اور 51-58 رہا۔

محمد آصف نے سیمی فائنل کے چوتھے فریم میں سنچری بریک بھی کھیلا، ابتدائی دو فریمز ہارنے کے بعد آصف نے مسلسل چار فریمز جیتے تاہم ساتواں فریم حریف کے نام رہا۔

آصف نے آٹھویں فریم کو فیصلہ کن بناکر کامیابی اپنے نام کرلی، محمد آصف نے تیسری مرتبہ آئی بی ایس ایف ورلڈ اسنوکر کے فائنل میں جگہ بنائی ہے، وہ 2012 اور 2019 میں ورلڈ سنوکر فائنل جیت چکے ہیں۔