ویمنز ٹی20 ورلڈکپ کے آخری گروپ میچ میں پاکستانی ٹیم نے نیوزی لینڈ کے خلاف اہم معرکے میں 8 کیچز ڈراپ کیے۔
دبئی انٹرنیشنل کرکٹ اسٹیڈیم میں کھیلے گئے میچ میں نیوزی لینڈ نے پاکستان کو 54 رنز سے شکست دیکر سیمی فائنل کیلئے کوالیفائی کرلیا۔
اس میچ میں کیویز نے پاکستان کو جیت کیلئے 111 رنز کا ہدف دیا تاہم قومی ٹیم 11.4 اوورز میں 56 رنز بناکر آل آؤٹ ہوگئی، فاظمہ ثنا 21 اور منیبہ علی 15 رنز بناکر ٹاپ اسکورر رہیں۔
مزید پڑھیں: ویمنز ٹی20 ورلڈکپ؛ فاطمہ ثنا کے قومی ترانے کے وقت رونے کی ویڈیو و ائرل
اس میچ میں کامیابی کیلئے قومی ٹیم کو پڑوسی ملک بھارت کی جانب سے بھی خوب سپورٹ کی جارہی تھی، اگر گرین شرٹس کیویز کو کم مارجن سے بھی ہرادیتیں تو بھارت کی ٹیم سیمی فائنل کیلئے کوالیفائی کرجاتی۔
نیوزی لینڈ کی پلئیرز نے 8 مواقعوں پر کیچز دیے تاہم قومی فیلڈرز نے تمام کیچز ڈراپ کیے اور رن آؤٹ کے 2 یقینی مواقع بھی ضائع کیے، کپتان فاطمہ ثنا نے 4 کیچ ڈراپ کیے۔
مزید پڑھیں: ویمنز ٹی 20 ورلڈ کپ: پاکستان کو شکست دیکر نیوزی لینڈ سیمی فائنل میں پہنچ گیا
پاکستانی ویمنز ٹیم کی ناقص فیلڈنگ پر کمنٹیٹر کے فرائض سرانجام دینے والی سابق کپتان ثنا میر بھی دنگ رہ گئیں اور کہا کہ اپنے 15 سالہ کیرئیر بھی ایسا نہیں دیکھا۔
نیوزی لینڈ کے خلاف پاکستان نے 4.2، 5.2، 7.3، 15.5، 17.2، 19.1، 19.3 اور 19.5 اوورز میں آسان کیچز ڈراپ کیے گئے۔
کپتان فاطمہ ثناء نے میچ کے بعد کی پریزنٹیشن تقریب میں اعتراف کیا کہ ان کی ٹیم کی شکست کی اصل وجہ ناقص فیلڈنگ تھی، انکا کہنا تھا کہ ہم بالنگ میں شاندار کھیل پیش کیا لیکن بیٹنگ اور فیلڈنگ کے معیار پر پورا نہ اُترے۔
مزید پڑھیں: ویمنز ٹیم کی کپتان فاطمہ ثنا کے والد انتقال کرگئے
فاطمہ ثنا نے کہا کہ اگر بیٹنگ صحیح نہ کی تو ہم ویمنز کرکٹ میں زندہ نہیں رہ سکتے۔
دوسری جانب نیوزی لینڈ کی فتح کے ساتھ ہی بھارت اور پاکستان کی ٹیمیں سیمی فائنل کی دوڑ سے باہر ہوچکی ہیں
