لاہور: معروف انٹرنیشنل ایرانی قراء کی لاہور آمد پر ٹاؤن شپ لاہور میں واقع تحفیظ القرآن انسٹی ٹیوٹ میں استقبالیہ تقریب کا انعقاد کیا گیا جہاں ان کے پہنچنے پر شاندار استقبال کیا گیا اور پھولوں کے ہار پہنائے گئے۔
تقریب میں قاری حامد شاکر نژاد، قاری غلام رضا قاسیمان، قاری محمد حسین عظیمی خوشرودی، قاری احمد ابو القاسمی اور قاریہ ثنا وحدیث نظری نے شرکت کی۔
ایرانی قراء نے شرکاء کے دلوں کو یاد الٰہی سے معمور کر دینے والی شیریں دہن تلاوت کلام پاک سے سماں باندھ دیا قاری حامد شاکر نژاد نے اپنی خوبصورت اور مسحور کن آواز سے سامعین کے دل جیتے اور سامعین کو اپنی گرفت میں لیے رکھا۔
تمام شرکاء نے معزز مہمانوں کی تلاوت سے اپنا ایمان تازہ کیا اور بعدازاں قاری اللہ بخش کی اختتامی دعا پر تقریب کا اختتام ہوا۔
