کراچی: پاکستانی اداکار اعجاز اسلم نے شاہ رخ خان کے مداحوں کو ان کی روٹین پر نہ چلنے کا مشورہ دے دیا۔ بالی وڈ کنگ شاہ رخ خان نے اپنے ایک تازہ انٹرویو میں انکشاف کیا تھا کہ تھا وہ دن میں صرف چار گھنٹے سوتے ہیں۔ انسٹاگرام پر اپنی پوسٹ میں اعجاز اسلم نے لکھا کہ بالی وڈ کنگ میں بہت سی ناقابل یقین صلاحیتیں ہیں اس لئے ان کیلئے اس شیڈول کو جاری رکھنا آسان ہے۔  اعجاز اسلم نے لکھا کہ عام لوگوں کو بالی وڈ کنگ کی روٹین نہیں فالو کرنی چاہئے اور یہ صحت کیلئے بہت نقصان دہ ثابت ہوسکتی ہے۔ انہوں نے شاہ رخ خان کے ٹیگ کرتے ہوئے لکھا کہ وہ ان سے بہت محبت کرتے ہیں لیکن تمام لوگ ان کی طرح سپرہیومن نہیں ہیں۔    جینیفر لوپیز نے شادی کے دو سال بعد بین ایفلیک سے طلاق مانگ لی

لاس اینجلس: عالمی شہرت یافتہ امریکی اداکارہ و گلوکارہ جینیفر لوپیز نے شادی کے دو سال بعد اداکار بین ایفلیک سے طلاق کے لیے عدالت سے رجوع کرلیا۔

گزشتہ کچھ عرصے سے جینیفر لوپیز اور اُن کے شوہر بین ایفلیک کے درمیان طلاق کی خبریں زیرِ گردش تھیں، تاہم اب بین الاقوامی میڈیا نے اس خبر کی تصدیق کردی ہے۔

بین الاقوامی میڈیا کے مطابق جینیفر لوپیز نے 20 اگست کو لاس اینجلس کاؤنٹی سُپیریئر کورٹ میں بین ایفلیک سے طلاق کے لیے درخواست دائر کی، تاہم اس فنکار جوڑی کی جانب سے ابھی تک طلاق سے متعلق کوئی بیان سامنے نہیں آسکا۔

قانونی دستاویزات میں جینیفر لوپیز نے بتایا کہ وہ اور بین ایفلیک 26 اپریل 2024 کو علیحدہ ہوگئے تھے لیکن قانونی کارروائی مکمل ہونے کی وجہ سے طلاق کی خبر کو خفیہ رکھا گیا۔

میڈیا رپورٹس میں بتایا گیا کہ بین ایفلیک سے علیحدگی کی وجہ سے جینیفر لوپیز مایوس اور اُداس ہیں لیکن وہ اپنے فیصلے پر قائم ہیں اور اپنی زندگی میں آگے بڑھنے کے لیے تیار ہیں۔

جینیفر لوپیز اور بین ایفلیک کی طلاق کی خبر نے اُن کے مداحوں کو مایوس کردیا ہے، مداح اس جوڑی کو ہمیشہ ساتھ دیکھنا چاہتے تھے۔

واضح رہے کہ بین ایفلیک اور جینیفر لوپیز نے جولائی 2022 میں لاس ویگس میں شادی کی تھی، یہ جوڑی ’’بینیفر‘‘ کے نام سے مشہور ہوئی تھی۔

55 سالہ گلوکارہ و اداکارہ جینیفر لوپیز کی یہ چوتھی جبکہ آسکر ایوارڈ یافتہ فلم اسٹار بین ایفلیک کی یہ دوسری شادی تھی۔