ممبئی: بالی وڈ کے معروف ہدایتکار و پروڈیوسر امتیاز علی نے انکشاف کیا کہ 2014 کی فلم ’ہائی وے‘ کیلئے ان کی پہلی چوائس عالیہ بھٹ نہیں تھیں۔
ایک تازہ انٹرویو میں ہدایت کار کا کہنا تھا کہ کہ اصل میں تو ان کا اس فلم کے ویرا نامی کردار کے لیے جو تصور تھا وہ ایک سمجھدار عورت کا تھا، عالیہ جیسی کسی نوجوان لڑکی کیلئے یہ کردار نہیں تھا۔
امتیاز علی کا کہنا تھا کہ عالیہ کے ساتھ ملاقات کے بعد ان کا ذہن تبدیل ہوگیا، وہ ان کے احساسات اور جذبات سے کافی متاثر ہوئے جس کے بعد انہوں نے اس کردار میں نوجوان لڑکی کو سامنے لانے کا فیصلہ کیا۔
انہوں نے بتایا کہ اس سے قبل ان کے ذہن میں ذرا زیادہ عمر کی ایشوریا رائے جیسی خاتون تھیں جو ان کے خیال میں بنا میک اپ کے بعد اس کردار کے لیے موزوں ہوتیں۔
یاد رہے کہ ’ہائی وے‘ کے مصنف، ہدایتکار اور شریک پروڈیوسر امتیاز علی ہی تھے جبکہ رندیپ ہودا نے عالیہ کے مدمقابل کردار ادا کیا۔
