کراچی: بلدیہ جنگل اسکول رانا گراؤنڈ کے قریب بہنوئی نے غیرت کے نام پر سالی اور اس کے کرایے دار کو فائرنگ کر کے قتل کر دیا۔
ایس ایچ او اتحاد ٹاؤن راؤ شبیر کے مطابق مقتولہ کی شناخت 32 سالہ سونیا زوجہ تنویر جب کہ مقتول کو 38 سالہ محمد ارشاد ولد لال داد شاہ کے نام سے شناخت کیا گیا۔
ابتدائی تحقیقات کے مطابق فائرنگ کا واقعہ غیرت کے نام پر پیش آیا ہے، جس میں مقتولہ سونیا کے بہنوئی مصطفیٰ نے فائرنگ کی تھی ۔ مقتولہ سونیا کا شوہر ملازمت کے سلسلے میں بیرون مقیم ہے جب کہ مقتول ارشاد مقتولہ کا کرایے دار تھا اور ان کے درمیان ناجائز تعلقات تھے ۔
انہوں نے مزید بتایا کہ ملزم نے 30 بور پستول سے دونوں کو فائرنگ کا نشانہ بنایا اور موقع سے فرار ہوگیا ۔ ملزم کا آبائی تعلق ضلع ہزارہ سے ہے اور پولیس اس کی تلاش میں چھاپے مار رہی ہے ۔
