واشنگٹن: معروف امریکی اداکارہ سوزن سارینڈن بھی فلسطینیوں اور حماس کی حمایت میں میدان میں آگئیں۔
یروشلم پوسٹ کی خبر کے مطابق اسرائیل کی حامی ولاگر کے چبھتے ہوئے سوالات کا جواب دیتے ہوئے انہوں نے نہ صرف حماس کے خلاف اسرائیلی پروپیگنڈے کو دوٹوک الفاظ میں مسترد کردیا بلکہ حماس کی جانب سے اسرائیلی سیزفائز ڈیلز مسترد کرنے کو منطقی بھی قرار دیا۔
سوشل میڈیا صارف کیرن پکر نے ویڈیو شیئر کی جس میں اس نے امریکی اداکارہ سے سوالات کیے کہ آپ ’سیزفائر ناؤ‘ گانے کی گلوکارہ اور نغمہ نگار بھی ہیں، مگر کیا آپ جانتی ہیں کہ حماس نے 7 اکتوبر کے بعد سے اب تک جنگ بندی کے ہر معاہدے کو مسترد کر دیا ہے؟
اس کے جواب میں سوزن نے کہا کہ “کیونکہ وہ ڈیلز بہت ہی بے کار ڈیلز ہیں اور فلسطین حماس کا نام نہیں ہے۔
اسی طرح سوزن سارینڈن نے حماس کی جانب سے ریپ کرنے اور بچوں کو قتل کرنے کے اسرائیلی و بھارتی اسرائیلی پروپیگنڈے کو بھی مسترد کرتے ہوئے کہا کہ ہم جانتے ہیں کہ اوونز میں بچوں کو جلانے اور عصمت دری کی خبریں سب جھوٹ ہیں۔ سوزن نے غزہ میں اسرائیلی بمباری میں شہید ہونے والے ہزاروں فلسطینیوں کا بھی سوال اٹھاتے ہوئے کہا کہ “جو 35 ہزار افراد مارے گئے ہیں ان کا کیا ہوگا؟” آخر میں سوزن نے سوال پوچھنے والی لڑکی کو کہا کہ اپنی مطالعے میں اضافہ کرو۔
واضح رہے کہ حماس نے اسرائیلی یرغمالیوں کی رہائی کے لیے مستقل جنگ بندی کی شرط رکھی ہے۔
